എന്‍റെ കണ്ണുകളിലേക്കു നോക്കിയിരിക്കുമ്പോള്‍ വിടരാറുള്ള നിന്‍റെ ചിരി ഇന്ന് എവിടെ പോയി....??
നിന്‍റെ കണ്ണുകളില്‍ കാണുന്ന ആ വെളിച്ചം...എനിക്ക് നേര്‍വഴി കാട്ടി തന്ന ആ പൊന്‍ വെളിച്ചം ഇന്ന് എവിടെ പോയി....??
നീ എന്നും പറയുമ്പോലെ സ്നേഹിക്കാന്‍ അറിയാത്തവരെ സ്നേഹിച്ചു സ്നേഹിച്ചു ജ്വാലയായി തീര്‍ന്ന നിന്‍റെ കണ്ണുനീര്‍ ഇന്ന് എന്‍റെ മനസ്സിനെ ചുട്ടു പോള്ളിക്കുകയാണ്...
നിന്‍റെ സ്നേഹം അറിയാനും നിന്‍റെ സ്നേഹത്തെ ഉപാധികള്‍ ഇല്ലാതെ സ്നേഹിക്കാനും...ഒടുവില്‍ നിന്‍റെ സ്നേഹത്തിന്‍റെ ജ്വാലയില്‍ കത്തി എരിഞ്ഞു നിന്നിലേക്ക്‌ അലിഞ്ഞു ചേരാനും ഈ ലോകത്തില്‍ ആരെങ്കിലും ഉണ്ടാകില്ലേ....?
കാണണം...കാരണം നിനക്ക് മനസ്സിലാകാത്ത...നിന്നോടുള്ള തീവ്രമായ പ്രണയം മനസ്സില്‍ സൂക്ഷിച്ചു ഒരിക്കലും പ്രകടിപ്പിക്കാന്‍ അറിയാതെ പരാജയപ്പെട്ടു പോയ ഞാന്‍ നിനക്കായി ദൈവത്തോട് അപേക്ഷിക്കുന്നില്ലേ???
നിന്നോടുള്ള എന്‍റെ പ്രണയം നിനക്ക് കാണാന്‍ കഴിഞ്ഞില്ലെങ്കിലും ദൈവത്തിനു കാണാതിരിക്കാന്‍ കഴിയുമോ??....നിന്‍റെ സ്നേഹം അറിയാന്‍ ഒരാള്‍ വരും....അന്ന് ഞാന്‍ പോകും...എനിക്കായി നീ തന്ന ആ നിധിയുമായി....ദൂരേക്ക്‌....നിന്‍റെ ചിന്തകള്‍ക്കോ വാക്കുകള്‍ക്കോ ഒരിക്കലും പ്രവേശനം ഇല്ലാത്ത ഒരിടത്തേക്ക്....പിന്‍വിളിക്ക് കാതോര്‍ക്കാതെ...........
Monday, September 27, 2010
Saturday, July 17, 2010
ഒരു ചെറിയ ആമുഖം....
എന്തായാലും ഒരു ബ്ലോഗ് ഞാന്‍ നിര്‍മ്മിച്ചു...അപ്പോള്‍ അതിലേക്കു എന്തെങ്കിലും ഒന്ന് എഴുതണമല്ലോ...ആരു വായിച്ചാലും ഇല്ലെങ്കിലും ഞാന്‍ എനിക്ക് തോന്നിയതെല്ലാം ഇതില്‍ എഴുതാം എന്ന് വിചാരിക്കുന്നു...ബ്ലോഗില്‍ എഴുതാന്‍ പോകുന്നു എന്ന് പറയുമ്പോള്‍ കഥകള്‍ അല്ല...കഥ എഴുതാന്‍ എനിക്ക് അറിയില്ല...ഓര്‍മ്മ വെച്ച നാള്‍ മുതല്‍ ഞാന്‍ കണ്ടതും കേട്ടതും ആയ കാര്യങ്ങള്‍, എന്‍റെ അനുഭവങ്ങള്‍.. അങ്ങനെ എനിക്കറിവുള്ള കാര്യങ്ങള്‍ എല്ലാം ആണ് ഞാന്‍ ഇതിലേക്ക് എഴുതാന്‍ പോകുന്നത്...അതല്ലാതെ വേറെ ഒന്നും എനിക്കറിയില്ല....ഇനിയുള്ള ദിവസങ്ങളില്‍ എന്‍റെ ഓര്‍മ്മകള്‍ പങ്കു വെക്കാന്‍ ആയി നമുക്ക് കാണാം...
ഭ്രാന്ത്...
ഈ ബ്ലോഗിന്‍റെ ആവശ്യം സത്യത്തില്‍ ഉണ്ടോ എന്ന് തന്നെ എനിക്കറിയില്ല...വെറുതെ ഇരുന്നപ്പോള്‍ ഒരു ആഗ്രഹം..എല്ലാര്‍ക്കും ബ്ലോഗ് ഉണ്ടല്ലോ..അപ്പോള്‍ പിന്നെ എനിക്കും ഒന്ന് ആകാല്ലോ എന്ന്...ഒരു നല്ല കാര്യം തുടങ്ങുന്നതിനു മുന്‍പേ മുതിര്‍ന്നവരോട് അനുവാദവും അനുഗ്രഹവും മേടിക്കണം എന്നൊരു വിശ്വാസം ഉണ്ടല്ലോ...അതിനു പോലും എനിക്ക് സമയം കിട്ടീല്ല...ഇനി എന്തായാലും പിന്നീടാവട്ടെ അനുഗ്രഹവും മറ്റെല്ലാം...എന്‍റെ ഈ സാഹസം നിങ്ങള്‍ വായിച്ചു എന്നെ അനുഗ്രഹിക്കു...
Subscribe to:
Posts (Atom)